Трыенале маладых мастакоў

14 жніўня а 17–й гадзіне ў Палацы мастацтва (вул. Казлова, 3) адбудзецца ўрачыстая цырымонія адкрыцця мастацкай выставы Рэспубліканскага конкурсу «Трыенале маладых мастакоў», які ўпершыню праходзіў у Беларусі у 2019 г.

Арганізатарамі конкурсу з'яўляюцца Міністэрства культуры Рэспублікі Беларусь, Нацыянальны гістарычны музей Рэспублікі Беларусь, Беларуская дзяржаўная акадэмія мастацтваў, Беларускі саюз мастакоў.

Мэта конкурсу – шырокая папулярызацыя мастацкіх дасягненняў маладых беларускіх аўтараў і заахвочванне іх дзейнасці. У праекце прынялі ўдзел аўтары твораў выяўленчага мастацтва ва ўсіх відах, жанрах і мастацкіх тэхніках, выпускнікі, студэнты і навучэнцы ўстаноў сярэдняй спецыяльнай і вышэйшай адукацыі.

Конкурс праводзіўся па намінацыях «Скульптура», «Жывапіс», «Графіка», «Манументальнае і манументальна–дэкаратыўнае мастацтва», «Дэкаратыўна–прыкладное мастацтва», «Навацыя (арт–праект, інсталяцыя)», «Мастацтвазнаўства і мастацкая крытыка», «Куратарскі праект у сферы выяўленчага мастацтва».

Экспазіцыю выставы складуць лепшыя творы, адзначаныя адборачнай камісіяй, а ў рамках працы экспазіцыі журы вызначыць лаўрэатаў у кожнай намінацыі. Наведвальнікі выставы таксама змогуць аддаць свае галасы за ўпадабаную працу і вызначыць лаўрэатаў у намінацыі «Глядацкая сімпатыя».

Кантактныя тэлефоны:

+375 29 853–75–98 (Сапоцька Павел Міхайлавіч, дырэктар Нацыянальнага гістарычнага музея Рэспублікі Беларусь, кіраўнік Дырэкцыі конкурсу);

+375 29 159–78–21 (Аўчыннікава Дар'я Максімаўна, загадчык інфармацыйна–выставачнага аддзела).

Выстава будзе працаваць да 25 жніўня.