З 1 ліпеня па 8 верасня 2019 г. у Гасцёўні Уладзіслава Галубка пачынае працу выстава “Іспанская характарная лялька” з прыватнай калекцыі Святланы Пінчук.
Іспанскія характарныя лялькі выпускаліся нядоўга і былі вельмі папулярныя ў сярэдзіне 1990–х гг. Іх вытворчасць была засяроджана ў горадзе Оніл ў Іспаніі. Дзесяткі фабрык адначасова выпускалі лялек з пацешнымі тварыкамі, вінілавай галоўкай, устаўнымі вочкамі і мякка–набіваным тулавам. У народзе за імі замацавалі мянушку Gestitos (маленькія крыўлякі), але праз тры гады ў 1997 г. па рашэнні суда яны былі знятыя з вытворчасці як вельмі натуралістычныя (многія дзеці іх баяліся, прымаючы за маленькіх жывых людзей).
На выставе прадстаўлена больш за 300 лялек памерам ад 17 да 70 см., розных рас і ўзростаў з прыватнай калекцыі Святланы Пінчук. Характарныя іспанскія лялькі цудоўныя і вельмі падобныя на сапраўдных дзяцей, капіююць іх міміку і грымасы, маюць валасы. Міміка лялек перадае цэлую гаму пачуццяў і эмоцый – радасць, сум, крыўду, здзіўленне, жах і многае іншае. Тварыкі лялек вельмі спецыфічныя і нагадваюць казачных персанажаў з мультыплікацыйных серыялаў – гномаў, хобітаў, лепрыконаў. Некаторыя лялькі ўмеюць плакаць, казаць, клікаць маму і нават імітаваць смактанне соскі. Эскізы арыгінальнага адзення распрацаваны вядомымі іспанскімі мадэльерамі, таму кожны з персанажаў мае свой непаўторны ўбор.
Шматлікія мадэлі даволі даўно знятыя з вытворчасці, і знайсці іх можна толькі ў прыватных калекцыях, адна з якіх прадстаўлена ў Гасцёўні Уладзіслава Галубка.
Гасцёўня Уладзіслава Галубка
Адрас: г. Мінск, вул. Старавіленская, 14
Без выхадных: з 10.00 да 17.30
Тэл. для даведак: (017) 243 –74–03
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея