14 лютага 2019 года ў выставачнай зале Музея гісторыі беларускага кіно – філіяла Нацыянальнага гістарычнага музея Рэспублікі Беларусь – пачне працу Міжнародная выстава фатаграфіі “НЮАНСЫ” ў рамках праекта “Гульня ў класіку”.
На выставе прадстаўлен адзін з класічных жанраў выяўленчага мастацтва – жанр ню. Сярод тэм у выяўленчым мастацтве і фатаграфіі, якія з упэўненасцю можна назваць класічнымі, яна займае асаблівае месца. Аўтары прапануюць наведвальнікам разнастайныя, часам дыяметральна супрацьлеглыя погляды на гэты жанр у сучаснай фатаграфіі. Усе яны створаны пінхол фотаапаратам – класічнай аналагавай камерай, у якой замест аб'ектыва выкарыстоўваецца маленькая адтуліна, прабітая найтонкай іголкай у металічнай пласціне. У выніку мы атрымліваем непаўторны фатаграфічны малюнак, які па праву можна назваць святлапісам. Малюнак мяккі і прывідны, пабудаваны на нюансах, уласцівы піктарыяльнай фатаграфіі, як нельга лепш падыходзіць для выказвання мовай фатаграфіі аб эфемернай, знікаючай прыгажосці.
Гледачам давядзецца стаць сведкамі выніку дзівоснага дзейства, у якім удзельнічалі ўсё яшчэ не састарэлыя ў сваіх марах дарослыя, якія не пажадалі зрабіцца часткай свету недаўгавечнага. У гульні ўсе застаюцца вольныя і час перастае быць ранейшай перашкодай. У гэтым сутнасць праекта “гульня ў класіку”, які дазволіў аб'яднаць фатографаў з розных краін дзеля адчування дачынення да выдатнай эпохі. Гульня зноў дазваляе ўзгадаць пра тыя самыя сапраўдныя камеры з драбнюткай адтулінай замест сучаснага аб'ектыва. І, вядома ж, усё той жа невялікі кавалак фотастужкі, на якім малюнак сапраўдны, як раней створаны менавіта святлом. Экспазіцыя мае справу з выявай аголенай натуры, з-за чаго гульня ў класіку становіцца яшчэ больш цікавай.
На выставе гледачы ўбачаць каля ста работ, як адзіночных, так і аб'яднаных у серыі, выкананых вядомымі фатографамі з Беларусі, Літвы, Вялікабрытаніі, Аргенціны, Італіі, Турцыі, Венгрыі, Польшчы, Украіны і Расіі.Аўтар праекта і куратар выставы: Віктар Сянькоў
Арганізатар выставы: Беларускае грамадскае аб'яднанне фатографаў.
Генеральныя партнёры: Нацыянальны гістарычны музей Рэспублікі Беларусь, філіял “Музей гісторыі беларускага кіно” Партнёры: праект koler.by, УП “Спрынкс”.
Месца экспанавання – выставачная зала Музея гісторыі беларускага кіно (г. Мінск, вул. Свярдлова, 4). Час працы: штодня з 11-00 да 19-00 (каса да 18-30).Тэлефоны для даведак: 8 017 327 10 75 (Музей гісторыі беларускага кіно, 8 044 736 31 69 (БГА фатографаў).
Узроставае абмежаванне: +18
Уваход па квітках: пенсіянеры – 2 руб., студэнты – 2,5 руб., астатнія катэгорыі наведвальнікаў – 4 руб.
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея