31 жніўня а 16–й гадзіне ў Нацыянальным гістарычным музеі Рэспублікі Беларусь адбудзецца паэтычная сустрэча ўдзельнікаў Міжнароднага круглага стала «Мастацкая літаратура як шлях адзін да аднаго», які пройдзе 2 верасня ў горадзе Іванава Брэсцкай вобласці ў рамках XХV Дня беларускага пісьменства.
У сустрэчы возьмуць удзел літаратары з Беларусі, Расіі, Казахстана, Літвы, Украіны, Кыргызстана, Узбекістана, Эквадора і іншых краін.
Беларускі бок прадставяць супрацоўнікі Міністэрства інфармацыі Рэспублікі Беларусь, радыё «Беларусь» Нацыянальнай дзяржаўнай тэлерадыёкампаніі Рэспублікі Беларусь, беларускіх выдавецтваў і сродкаў масавай інфармацыі, члены Саюза пісьменнікаў Беларусі.
У выкананні аўтараў прагучаць творы на нацыянальных мовах, пераклады класікаў беларускай літаратуры на розных мовах свету, а таксама вершы замежных аўтараў на беларускай мове. Плануецца абмеркаваць ўвасабленне тэмы малой радзімы ў творах літаратуры ў міжнародным кантэксце.
Для ўдзельнікаў сустрэчы будзе арганізавана экскурсія па экспазіцыях музея «Беларусь: адраджэнне духоўнасці», «Ад рымскага дынарыя да беларускага рубля», па часавых мастацкіх выставах, а таксама прадэманстраваны інавацыйны праект установы – электронная кніга «Скарбы Нацыянальнага гістарычнага музея Рэспублікі Беларусь».
Адрас: г. Мінск, вул.Карла Маркса, 12
Тэлефон: 327–43–22
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея