17 студзеня, у прасторы “Галерэя” Нацыянальнага гістарычнага музея Рэспублікі Беларусь, адкрыецца персанальная выстаўка Анастасіі Балыш “Таямніцы святла”. Экспазіцыя ўключае звыш 20 твораў жывапісу і інсталяцыі.
Мастачка прапануе гледачам пазнаёміцца са сваім бачаннем Свету, разгледзець яго фізічнае і філасофскае ўвасабленне. У сваёй творчасці Анастасія Балыш разважае на тэмы ўзнікнення нябесных свяціл i магчымага іх існавання побач з людзьмі.
Анастасія Балыш – маладая мастачка, якая паспяхова ўдзельнічае ў розных міжнародных і рэспубліканскіх выставах, ілюструе дзіцячыя кнігі. Больш дзесяці кніжак з ілюстрацыямі ўжо выдадзена ў Беларусі і ЗША. Яе работы захоўваюцца ў Мядзельскім музеі народнай славы, у калекцыі карцін "Tears of Happiness" (UK, Oxford, University College, MCR), у Музеі–запаведніку "Заслаўе" і ў прыватных калекцыях многіх краін свету.
Анастасія Балыш – чалавек шматгранны: у асабістым партфолія як стварэнне ілюстрацый да дзіцячых казак народаў свету, так і роспіс іканастаса царквы Свяціцеля Мікалая Цудатворца ў Мядзельскім раёне.
У святочныя днi, здаецца, што душы людзей таксама прасвятляюцца чысцінёй і верай у цуд. Каб спасцігнуць чароўнасць зiмовага цуду трэба зусім няшмат: усяго толькі ўбачыць зараджаныя святочным настроем творы Анастасіі Балыш.
Сонца, месяц і зоркі наталяюць чалавека сваёй касмічнай энэргіяй. Ад яе сэрцы запальваюцца цудадзейным святлом! Як жа не згубіць гэтае Святло ў жыццёвых выпрабаваннях? Як зберагчы святочнае натхненне ў шэрыя будні? Спадзяемся, што наведвальнікі выставы знойдуць адказы на свае пытанні, цудоўна – калі ў іх з’явяцца новыя. Бо пошук дабрынi і шчырасці – гэта ўжо першы крок да Цуда Святла!
Нацыянальны гістарычны музей Рэспублікі Беларусь
Адрас: г. Мінск, вул. К. Маркса, 12,
тэл. 327 43 22
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея