На працягу 2-х дзён – 30 лістапада і 1 снежня – Нацыянальны гістарычны музей Рэспублікі Беларусь праводзіць традыцыйныя Музейныя чытанні. На гэты раз яны праходзяць у рамках экспазіцыі “Беларусь: адраджэнне духоўнасці” і з нагоды 50-годдзя адкрыцця экспазіцыі Дзяржаўнага музея БССР.
15 снежня 1956 года Савет Міністраў БССР распарадзіўся стварыць арганізацыйную групу для правядзення падрыхтоўчых работ па адкрыцці Беларускага дзяржаўнага гісторыка-краязнаўчага музея. Музей пад новай назваю – Дзяржаўны музей БССР – пачаў сваю працу ў 1964 годзе, яго экспазіцыя адкрылася ў лістападзе 1967 года. У яе ўваходзілі раздзелы, прысвечаныя гісторыі Беларусі ад першабытнага ладу да 1960-х гадоў, а таксама раздзел прыроды. Яна была пабудавана ў адпаведнасці з афіцыйнай марксісцка-ленінскай канцэпцыяй гістарычнага працэсу. Пасля распаду СССР экспазіцыя была дэмантавана, і ў 1992 годзе створана стацыянарная экспазіцыя “Старажытная Беларусь”.
Наступная нагода правядзення Чытанняў – экспазіцыя “Беларусь: адраджэнне духоўнасці”, якая адкрылася ў музеі 6 верасня 2017 года ў рамках Дня беларускага пісьменства. Адна з задач экспазіцыйнага праекта – паказаць здабыткі музеяў краіны ў справе захавання і прэзентацыі помнікаў гісторыка-культурнай спадчыны, іх значэнне для адраджэння духоўнасці.
У Чытаннях прымаюць удзел музейныя спецыялісты з 15-ці рэспубліканскіх, абласных і раённых музеяў сістэмы Міністэрства культуры Рэспублікі Беларусь, а таксама навукоўцы Інстытута гісторыі Нацыянальнай акадэміі навук Беларусі, выкладчыкі гістарычных дысцыплін Беларускага дзяржаўнага ўніверсітэта, Беларускага дзяржаўнага ўніверсітэта культуры і мастацтваў, прыватныя калекцыянеры. У выступленнях будуць агучаны новыя матэрыялы, прысвечаныя гісторыі музейнай справы Беларусі, прэзентаваны новыя музеі і новыя музейныя экспазіцыі, міжнародны вопыт у галіне музейнай справы, узнімацца пытанні вывучэння, захавання і рэстаўрацыі музейных калекцый.
Нацыянальны гістарычны музей Рэспублікі Беларусь
Мінск, вул. К.Маркса, 12
Тэл .: 327–43–22
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея