У Галерэі Нацыянальнага гістарычнага музея Рэспублікі Беларусь з 21 лістапада па 10 снежня працуе фотавыстава “Храмы Віцебшчыны”. Яна праводзіцца ў рамках экспазіцыі “Беларусь: адраджэнне духоўнасці”.
Выстава “Храмы Віцебшчыны” – своеасаблівая справаздача фотамастака Васілія Белякова пра яго вандроўкі па Віцебскай вобласці. Васілій Белякоў скончыў геалагічны факультэт Іркуцкага дзяржаўнага ўніверсітэта, ваенную акадэмію, падпалкоўнік запаса. Жыве ў горадзе Паставы Віцебскай вобласці.
З 2009 года займаецца актыўнай выставачнай дзейнасцю. Супрацоўнічае з навуковым аддзелам Нацыянальнага парка “Нарачанскі”: у гарадах Паставы, Мядзел, пасёлку Нарач прайшла яго фотавыстава “Прырода роднага краю”. У 2013 годзе фотамастаком пры садзейнічаннні арганізацыі “Зялёны крыж” падрыхтавана выстава “Сляды гісторыі”, прысвечаная падзеям Першай сусветнай вайны. У наступным годзе стартаваў шматгадовы сумесны праект Васілія Белякова і навуковага аддзела Нацыянальнага парка “Нарачанскі” пад назваю “Их судьбы слиты воедино…” аб слядах падзей Першай сусветнай вайны на тэрыторыі Пастаўскага, Мядзельскага і Смаргонскага раёнаў. У 2015 годзе фотавыставы Белякова прайшлі ў Віцебску і шэрагу гарадоў Мінскай вобласці.
Звыш 20–ці тысяч кіламетраў праведзена Васіліем Беляковым у пешаходных і веласіпедных маршрутах на працягу 2013 – 2016 гадоў, адзняты матэрыял для новых паказаў. У гэтым – стыль, сэнс і вобраз жыцця падарожніка і фотамастака.
Адметнасць большасці прадстаўленых на выставе работ у тым, што фотамастак не выкарыстоўвае фоташоп, а шукае такія ракурсы, дзе не бачны індустрыяльныя элементы, а толькі культавыя пабудовы і акаляючая прырода. На фотаздымках Васілія Белякова паўстаюць маляўнічыя і вытанчаныя, манументальныя і някідкія храмы праваслаўных, католікаў, стараабрадцаў – кожны са сваім адметным стылем і ўнікальнай гісторыяй.
Нацыянальны гістарычны музей Рэспублікі Беларусь
Мінск, вул. К.Маркса, 12
Тэл .: 327–43–22
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея