У філіяле Нацыянальнага гістарычнага музея Рэспублікі Беларусь: "Дом–музей I з'езда РСДРП" будзе дэманстравацца выстава "Мінск 1917", якая падрыхтавана да стагоддзя кастрычніцкіх падзеяў у Мінску.
У юбілейны месяц падзей 1917–га года, Дом–музей I з'езда РСДРП знаёміць наведвальнікаў з выставачным праектам, прысвечаным гісторыі горада ў рэвалюцыйны год.
Падзеі стогадовай даўнасці мелі вялікае значэнне для жыцця грамадства некалі існавалай Расійскай імперыі, у тым ліку Мінска, які з'яўляўся цэнтрам аднайменнай губерні. На экспазіцыі можна будзе даведацца якім быў горад у час эпахальных перамен, якім было яго грамадскае і палітычнае жыццё і чым яно адрознівалася ад іншых гарадоў у перыяд змен.
На нашай выставе можна азнаёміцца з рознымі прадметамі з фондаў Нацыянальнага гістарычнага музея Рэспублікі Беларусь: перыядычнымі выданнямі, якія выходзілі ў Мінску ў 1917 годзе, агітацыйнымі матэрыяламі (лістоўкі, плакаты), грашовымі знакамі, якія мелі хаджэнне на нашай тэрыторыі, асабістыя рэчы ўдзельнікаў эпахальных падзей першай паловы мінулага стагоддзя (фатаграфіі, аўтабіяграфіі, дзённікі, узнагароды і г.д.), а таксама прыклады абмундзіравання войскаў Германскай і Расійскай імперый (касцюм флоцкі, пікельхельм, фуражкі, раменныя спражкі і г.д.).
Таксама наведвальнікаў чакаюць інтэрактыўныя раздзелы выставы, у якіх кожны зможа сфатаграфавацца ў гістарычных фотазонах, напісаць паведамленне на старых тэлеграфных бланках, стаць удзельнікам дэманстрацыі і г.д.
Чакаем усіх на выставе, прысвечанай эпахальным падзеям Рэвалюцыі 1917–га года ў жыцці горада Мінска.
Дом–музей I з'езда РСДРП
Адрас: г.Мінск, п–т Незалежнасці, 31а
Штодня з 11.00 да 19.00, без выхадных
Тэл. для даведак: 290–68–47
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея