10 жніўня 2017 года ў Нацыянальным гістарычным музеі Рэспублікі Беларусь пачынае працу выстаўка «IND–БЕЛ–ART».
У лютым 2017г. група беларускіх мастакоў (Рыгор Сітніца, Юрый Хілько, Дар’я Бунеева і Вера Ягоўдзік) здзейсніла творчую паездку ў Індыю. Арганізатарамі праграмы, якая была прымеркавана да юбілею ўсталявання дыпламатычных стасункаў Беларусі і Індыі, выступілі Пасольства Індыі ў Рэспубліцы Беларусь, ICCR (Indian Council for Cultural Relations / Індыйскі Савет па Культурных Зносінах) і Беларускі саюз мастакоў.
За час паездкі мастакі пабывалі не толькі ў сталіцы Індыі, Нью Дэлі, але і ў рэгіёнах: на поўдні краіны, у горадзе Кочы (штат Керала), на захадзе (гарады Мумбай, Аўрангабад) і інш. Праграма ўключала знаёмства з найбольш знакавымі архітэктурнымі помнікамі (Тадж Махал, Элора, Аджанта ды інш.), наведванне музеяў, галерэй, навучальных устаноў, якія забяспечваюць атрыманне мастацкай адукацыі, а таксама сустрэчы з індыйскімі мастакамі.
Вынікам паездкі стала выстаўка «IND–БЕЛ–ART», на якой мастакі–ўдзельнікі праграмы пакажуць жывапісныя і графічныя творы, выкананыя па ўражаннях сваёй паездкі. Таксама на выстаўцы наведвальнікі змогуць пабачыць прадметы, якія прадаставіла Пасольства Рэспублікі Індыя ў Рэспубліцы Беларусь: сары, статуэткі, кубкі і інш.
Нацыянальны гістарычны музей Рэспублікі Беларусь
Мінск, вул. К.Маркса, 12
Тэл .: 327–43–22
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея