Калекцыя ўключае вялікую колькасць побытавых рэчаў канца ХІХ – пачатку ХХ ст., калі дрэваапрацоўка займала адно з вядучых месцаў сярод народных рамёстваў і промыслаў Беларусі. Шырока былі развіты сталярнае, такарнае і іншыя дрэваапрацоўчыя рамёствы, якія задавальнялі звычайныя гаспадарчыя патрэбы насельніцтва.
Сярод побытавых рэчаў вылучаюцца ўтылітарна-дэкаратыўныя прадметы: каўшы, прасніцы, элементы хатняга дэкору, упрыгожаныя разьбой па дрэве згодна са старажытнымі традыцыямі гэтага віду народнага мастацтва. Вырабы з дрэва перадаюць натуральную прыгажосць матэрыялу, маюць простыя, нярэдка архаічныя канструкцыйныя формы.
Рэчы з такіх танных шырокадаступных матэрыялаў, як салома, лаза, луб, бяроста, корань, чарот выкарыстоўваліся для розных бытавых прадметаў утылітарнага і ўтылітарна-дэкаратыўнага прызначэння. Плеценыя вырабы дэманструюць разнастайнасць форм, багацце тэхнічных прыёмаў, высокі мастацкі ўзровень.
Першы прадмет, які паступіў у калекцыю "Традыцыйна-побытавая этнаграфія", – кросны, запісаныя ў Кнізе паступленняў пад №1. Дадзены прадмет паступіў у фонды ў 1957 г. з экспедыцыі супрацоўнікаў музея ў Краснаслабодскі раён Мінскай вобласці і Ганцавіцкі раён Брэсцкай вобласці.
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея